老字号博物馆

时间:2014-05-15 10:52 互联网 点击:次 我要评论（）

因为房东要收屋，所以励红百货可能要搬了。如果揾唔到位，分分钟要执笠。而家，呢类老式国营百货店执间少间。励红咁出名，如果都保唔住，鱼仔虾毛都唔知会点。 老字号盘活一直系热门

 因为房东要收屋，所以励红百货可能要搬了。如果揾唔到位，分分钟要执笠。而家，呢类老式国营百货店执间少间。励红咁出名，如果都保唔住，鱼仔虾毛都唔知会点。

老字号盘活一直系热门话题。但其实老字号都分好多种。好似陶陶居、皇上皇呢一类，本身产品永无过时，只要更新经营理念，给予一定优惠，就可以放手俾佢哋做，佢哋亦可以继续发展落去。

但励红呢一类就无咁好打了。佢哋最惨嘅地方，就系本身嘅卖点，同时亦都系蚀本位—街坊中意呢类老字号，就系因为两点：一“够平”，老上海雪花膏、开脸蛋粉、大象浴液……件件都经济实惠；二系“够旧”，全部都系细时用开，买落手特别有亲切感。

但最攞命就系呢一点—卖呢啲嘢，边赚钱嘎？而家有更好嘅商品替代，主力消费群唔会留恋好耐。好多市民的确唔舍得老字号，但几年都唔帮衬一次。“偶一为之”嘅怀旧式消费，令呢类老字号名声在外，维持却好困难。而且，佢哋又唔可以随意去改，如果装修一新，买啲赚钱嘢，就更加无晒卖点了。

计我话，要保护呢类老字号，不如政府包起身算了。喺老城区俾个位佢，只要一切如旧，由得佢卖几多算几多，就当博物馆咁养起身，等市民游客有个怀旧嘅地方，咁都算一家便宜几家着啦。

(责任编辑：杨素琴)

收藏到书签: